لما تقرر ما تدفع لطليقتك مصاريف للاولاد بعد الطلاق ولمده 10 سنين.
ولما ما تأجرلها بيت هي وأولادك بادعاء انه انت ما معك مصاري. وأبوها يهتم في الامر وببنيلها بيت ستره على بنته وعلى احفاده.
ولما بتشتغل وشغلك يتسجل باسم ابوك على مدار كل السنين.
ولما دارك اللي كانوا مرتك وأولادك ساكنين معك فيها بتسجلها باسم ابوك عشان طليقتك ما تطالبك انه تسكن فيها. وبالاخر بتأجر البيت لمؤسسه حكوميه بمبالغ طائله.
وكل اثنين وخميس بترفع قضيه بالمحكمه تعيط انه ما معك تدفع مصروف اولادك وانه طليقتك دخلها منيح.
ولما هي بتشتغل بمحلين عشان تكفي حالها وتصرف على أولادها بكرامه....
ولما هي حتى المصاري اللي معها واللي بتشتغل صعب عشان تجيبها ولازم تطعم فيها أولادها وتصرف عليهم من الألف إلى الياء ...بتضطر تصرفها على المحاميه عشان ترد على ادعاءاتك الباطله...
لانه اذا ما اخذت محامي يرد على هالادعاءات راح يروح حق أولادها..
بتعرف شو ظل ؟
تطلب انها تصرف عليك لانك مسكين.
والمحامي اللي بشتغل هيك شغل ..اتقي رب العباد في ظلم امرأه مطلقه.. واقول لك لا تنسى انه في يوم حساب...
الله اكبر في هيك عالم
قولولي شو رايكم يا جماعه ؟
هل ربنا برضى بهيك اشي ؟
وين أهل الدين من هيك اشي؟
وينهم من ظلم امرأه مطلقه اللي بتعمل بكل قواها لتعيش أولادها بكرامه..وطليقها بشتغل بس برفع قضايا بهدف يقلل دفع مصاريف أولاده اللي من الأصل هو مش دافهعن لمده 10سنين ..
حسبنا الله ونعم الوكيل في كل ظالم لطليقته ولأبناؤه.
وعلى فكره
الرجل اللي بفكر انه ال900 شيكل بكفين مصروف لولد واحد لمده شهر ...شكله عايش باوهام وما اله صله بالواقع..
Post A Comment: