كتاب خفيف ولطيف وظريف جداً، هو يعتبر جولة في المطبخ المسيحي المصري، بيتكلم عن أكلاتهم الخاصة وتواريخها وازاي عرفوها والأكلات دي بتعبر عن ايه في دينهم.
الكتاب مش بيتكلم بس عن المطبخ المسيحي بس، بالعكس الكاتب بيتطرق فيه للكثير من التفاصيل في حياة المجتمع المسيحي المنغلق علي نفسه اللي كتير ميعرفوش عنه اي حاجة.
في بعض الفصول عجبتني جداً زي الفصل اللي كان الكاتب بيتكلم فيه عن الصيام وشهر رمضان بالنسبة للمسيحي وازاي بيمر عليه. والفصل اللي بيتكلم فيه عن الشيبسي بالكباب والجدلية اللي بيعملها وقت صيامهم وهل هو بيفطر ولا المواد المستخدمة في تصنيعه مش مفطرة وازاي الكنيسة منقسمة حول ذلك.
الكتاب في الحقيقة كان تجربة لطيفة جداً وكان وممتع لأقصي حد ده غير انه بيشدك من بدايته لانه بيقدم لنا معلومات عن المجتمع القبطي غالبيتنا ميعرفش اي حاجة عنها وبيكون بيسمعها لأول مرة. الكتاب ده تجربتي الاولي مع شارل عقل واعتقد انها مش هتكون الاخيرة.
Post A Comment: