نبحث بداخلنا عن اجابة سؤال ليه؟؟؟؟
مع اختلاف ليه لكل منا!!! ولا نجد الاجابة!!
تفاصيل عكس بعض في حياتنا كل يوم.
ايام وسنين تمر ما بين سعادة وهموم.
مين عارف باقي في عمرة لحظه ولا سنين؟
ايام مرسومه بهوانا ولا نعرف رايحين لفين؟
ولا عارفين ليه؟؟؟؟
حب .ولقاء .وضحكه حلوة وسط الغيوم
وداع.ودموع.واحاسيس بتوجع في العموم
فرحة تطلع من جوه جوه جرح.
وعذاب بعده نعرف يعني ايه فرح؟
ولا عارفين ليه؟؟؟؟
ناس تقابلهم ومن الهم ترتاح.
وفي لحظه تلاقي الكل راح.
حنان عزيز يضئ عتمه لياليك
وبأنين الأحزان فقدة يشجيك
ولا عارفين ليه؟؟؟؟
غارق في بحر القلوب وبارادتك مجنون
ساكن في قلب المحبوب وبعنوانك مفتون
قلب يجعل من الحب روح .وارض .وسماء
وعقل موزون يذكرك ان في الحب فناء
فرحه جات ولا كانت علي بالك
وفجأة راحت وبقت حلم في خيالك
ولا عارفين ليه؟؟؟؟
نقفل لحظه باب الفكر المشغول
يفتح لك القدر الباب المعزول
خوف من الوحدة تجد انسا بين الناس
ناسيا انك في الاخرة وحيدا بلا أناس
تفكر حتلاقي الفرح بكرة؟
ومن الفكر راح الفرح انهاردة
ولا عارفين ليه؟؟؟؟
تقول للحزن حتيجي تاني؟؟
ومن العيش في الدنيا تعاني
تهرول في الحياة عن المستقبل
ونسيت ان نهايه العمر قد اقبل
ولا عارفين ليه؟؟؟؟
توهان هنا وهناك ..وترنح بين العقل والقلب وبين الفرح والحزن. ولن تجد اجابه ليه؟؟؟
الا سؤالا واحدا فقط ........اتينا الدنيا ليه؟؟
والرد من غير ليه لانها ارادة الله نحن مسيرون
ولكننا مخيرون بالرضا بالقدر بالفرح والحزن من غير ليه؟؟؟
عيش حياتك من غير ليه ولا تضيعها في الاجابه علي اسئلة القدر لانك لن تجد اجابه.....
امتعكم الله بالسعادة والرضا بقضاء اللة فانه طريق السعادة في الدنيا والآخرة...
Post A Comment: