الحضارة فالمباني و المعاني
و البشر
و السيجارة مجنناني
كل ما أسرد تختصر
علبة سجاير
سجايرها بتولع فبعض و هما فيها
و أختيار هتبيعها ولا هتشتريها
مش حكيم
إختبار الدنيا من أقدم قديم
حله ف ترك مسافة كافية
و الكتابة بخط واضح
عمر شعر ما حكمه قافية
طول ما طول الوزن سامح
تنحت قصيدة فالعدم
بمشرط جراحة
مش قلم
يغمق الليل من شيل الطين ملو كتافه
للصمت عويل مبيسمعهوش غير خوافه
علي نار مسالمة كشمعتك
واقف بتدعي لقهوتك
تظبط معاك
تضحك خناقة البهايم
فالزريبة علي تذاكر السيرك
كوميديا سودا مسخرة
ضحكة الموناليزا من كل الزوايا مكشرة
لفيت سيجارة
فدمعت مالضحك
فسفر الخلود بالرمز كان مكتوب
إن اللي بيته فالأساس من شعر
عادي يحدف الجميع بالطوب
Post A Comment: