الحجر الصحي و فيروس كورونا.. بقلم أ . نبيلة النابوسي أخصائية علاجية نفسية من فلسطين

اذا حدا من العيله إصابته العدوى ولازم تكون كل العائله مع المريض بحجر بيتي ....مهم جدا جدا ....

1. تحضير كل انواع المعقمات مسبقا / المقصود كل واحد فينا معرض للعدوى ما تنتظروا لحتى لا سمح الله العدوى توصل عندكم  لحتى تحضروا انفسكم هاي الامور لازم تكون بالبيت مسبقا. 

2. تحضير مواد تنظيف معقمه للاسطح.

3. كمامات بكميه اللي تكفي كل اهل البيت .

لانه في حاله تم حجر كل العائله وفي مريض في العائله وحتى لو تبين انه النتائج الاوليه سلبيه لأفراد العائله لكن يجب الوقايه لانه ممكن جدا حدا من العائله حامل الفيروس وراح يكتشف ذلك لاحقا ..التباعد والكمامه والتعقيم اشي أساسي كمان داخل البيت لمنع عدوى بين المحجورين ..

4. وضع المريض في غرفه ومفضل ان يكون له حمام خاص..اذا تعذر ذلك لازم تعقيم الحمام بعد كل دخول سواءا للمريض او لأفراد العائله الآخرين.

5. تحضير ادويه مسكنه للاوجاع..وادويه لتخفيض درجات الحراره . ومفضل يكون ادويه مهدئه نفسيا في حال كان معروف للعيله انه أحد أفرادها حساس جدا في أوقات الضغوطات نفسيه.

6.إجراء محادثات كثيره عن طريق الفيديو للشخص المريض لمنع تدهور حالته النفسيه جراء الاصابه والمرض الجسدي من جهه ..وعدم القدره من الاقتراب او التعامل معه وجاهيا من جهه اخرى .

7. في حال انه المريض كان طفل مهم جدا الاستماع اله بشكل مكثف ..ومتابعه حالته عن طريق مكالمات الفيديو والرسائل الصوتيه. وممكن إجراء فعاليات ترفيهيه معه من خلال الزوم. 

8. في حال تدهور حاله المريض صحيا يجب التواصل المباشر مع الطبيب أو الاتصال بالمسعفين بحال ما كان رد من طبيب العائله.

9. مهم جدا وجود دعم من العائله المقربه في حال احتاجت العائله المحجوره لأغراض.

10. حجر عائله كامله ومعها مريض ليس بالوضع السهل نفسيا على اي واحد منهم ...مزبوط ممنوع الزيارات والاحساس مش سهل للعائله التي تعد موبوءة وخطره للآخرين  والأغلب ما بفضلوا حتى يشوفوهم وجها لوجه حتى عن بعد ..لكن مهم جدا انه الأقارب والأصدقاء يعملوا زيارات افتراضيه عن طريق مكالمات فيديو ...

11. ليس من السهل استغلال وقت الحجر الصحي بشكل ناجع.  خاصه اذا بكون مريض في البيت..لانه حاله التوتر بتكون قصوى والكل خايف انه العدوى تنتقل اله كمان خلال فتره الحجر ..لهيك مهم جدا تحضير مسبق للمهام اللي ممكن تكون مسليه لأي شخص دخل حجر مع مريض في نفس البيت ...

12. مهم جدا ممارسه رياضه يوميه, وشرب الماء بكميات كبيره داخل الحجر.

دمتم سالمين ...