ليه يادنيا عملالي بلوك؟؟
عملتيلي اد للحياة وفي النهاية عنها تعمليلي بلوك
عايشة في حالي ومش بعرف اعك
واللي بيعك شايله من عليه البلوك
للحزن عامله لايك وللسعادة عامله بلوك
دقنا الحزن مرار ولما يجي الفرح بقينا فيه نشك
اتكسرنا ووقعنا ولما قمنا في طريقنا حجر بلوك
بكينا واتالمنا وايامنا بقت عزاء علي صفحات الفيس بوك
قلنا نعيش وسبنا القلب يدق لاقينا العقل بيشك
نمد الايد ونجبر الخاطر واللي ساعدناهم حطوا بينا البلوك
نبتسم مرة ومن البكا ملامح الوش مش بتفك
سعينا ورا الرزق وفي العيش نلاقي الضنك
نصحي ونام وكل امانينا لبكرة يارب الدنيا تفك
تعبنا وهلكنا ونسينا نعيش والعمر كأنه عقد وانفك
نبعد ونقاوم نلاقي الشيطان يقولك ياعم فك
ضمير يوجع ونفس تلوم وبشطارتك تعمل لهواك بلوك
توهنا وضلينا وقلنا يارب هداني اني برحمته ما اشك
في ايه يادنيا هو انتي معانا علي المحك؟
كل ما نحاول نعيش تقابلينا بالبلوك
هاتي ما عندك هاتي علشان من الدنيا افك
ربي مستنيني وبابه دايما مفتوح من غير بلوك
انا منك يادنيا حفك وحعملك بلوك.
Post A Comment: