بلادي يا وطني يا موطني
ومش فارقه المسميات
لو تحني عليا وتسئلي
يبقا كتر خيرين خيرك
لحقتي تحني
ده أنا يدوب مخلص الجملة وحشتيني
وغيابي أنا طال
بس أعمل إيه وحشتيني
مليش غيرك وعارفك
بتموتي فيا وبموت فيكي
مال صوتك كده مِغلّق
عارف مبينا عتاب يطول شرحه
انا وانت
فمين فينا هيسأل التاني
من فينا يا أمه مش مجروح
أنا سايب لكن متساب
في حضنك بلقي ألف باب
لكن في بعدك انا متغرب
غراب الليل بيسألني
عن سبب فراق
مابين أحباب بجاحه
في ناس بتعطل طرق
سالكه انا في السكه بلقي جدار
يمنع الوصول بينا يهدم فرص ياما
ولما طلبت في يوم انا قرب
قطع حبل البريد بينا
رسملي حدود علي بابك
رماني بعيد عن الشبكه
خلاني وحيد وانا بدونك
سمك غايب
ولسه سنارتي وياكي
اشوفها غارسه في التربه
بتشاور علي نيلك
وبستغرب من المسافات مبينا تديق
فبعادي وبعادك
ويوحشني دفئ حضنك
واحضانك بفستانك وطرحه وشال
بتزين حارات و شارع وكل مكان
مش ناسي وعود بينا
وكلام وحكاوي تشغلنا
وقعدتنا علي نيلك نغنيلك
وفرحتنا وياكي وندعيلك
وندعي انو ما نفارق لكنو نصيب
انا والشوق
انا والشوق بنتشاقي
ونتراهن علي غيابك
كأن الحب مش جايز
كأن العشق مش لينا
وبشتاقلك في وجودك وفي غيابك
وحالي ميتوصف بعدك
بكتبلك كل يوم عني
ومش بلقي جواب يصبرني
علي احوالك قتلني الشوق
ياما متزعليش
عدت ... سنين علي فراقك
واقولك ايه
فاكر انا كل تفصيله
وملامح وشك وسطينا
انا منك واكيد شبهك
عنيه خضرا يجوز عسلي
حلاوة روحي من روحك
والضحكه مش مفارقاني
ملاحي كلها شبهك
ببساطه انا منك
وأشوفك كل يوم جنبي
ايا بلادي تسبني الوحدة
علشانك عشان عمري ماكنت وحيد
قوليلي وحيد ازاي وانا جنبك
وانا راسمك بملامحك بتفاصيلك ببرفانك
بلون حمرة خدود تفاح علي أرضك
بلون حجاب مغطيكي
بلون تسريحه القطه
بلون خضرا كما زرعك
بلون بحرك بلون نيلك
بلون الحب
كما حبك
فلو فارقتي مهسيبك
رايحه فين
انا بهزر وقلبي حتي ميطاوع
تطفي الشمعه ألي قصادك
دي دنيتنا كلها عتمه
وابنك ضرير كما الأعمى
بس الابتسامه مرسومه علي وشي
يجوز مش واضحه زي زمان
بس بضحك لما بفتكرك
وحبك دليل فاضح علي كلامي
وصمتي وسكوتي
انا العاقل صبح مجنون علي حبك
أسودهم سادو ويسودو
بقت غابه واحنا عايشينها
علشانك
فغلابه وبنلجأ لأغصانك
وأوراقك تدفيني
يا جذر عمر و عدي كتير
ولسه ورقه بيفتح
وليه ثمارك كما هي
يجوز طعمها اتغير
لكنها بردو من خيرك
ما يحلي الأكل من دونك
غلابه وكلنا عايشين
وحامدين و و مش طالبين
من الدنيا غير تكوني مرتاحه
Post A Comment: