صعبة الحياة على عود ريحان
عايز يعيش ومالوش مكان
سأل الزهور فين الصحاب
قالو الزمان غير الزمان
يجي الخريف ويجف عوده
حتى الندى يخلف وعوده
تطلع عليه شمس النهار
وتكون خلاص دبلت وروده
العود دبل والعقل تاه
والخوف بقا اسلوب حياه
حتى القلق مش بيفارقنا
محاوطنا من كل اتجاه
تبقى الحياه مافيهاش حياه
والحلم يوصل لمنتهاه
لما القلوب تقفل بيبانها
مالناش امل ولا طوق نجاه
Post A Comment: