قصيدة بعنوان
صباح إسكندرانى
تأليف عبدالله مغازى
.....................................................................
بحرى وقبلى كلها عصافرة
كل القلوب ليها مسافرة
وميامى وسيدى بشر والمندرة
تشبه فى زحمتها حى المناصرة
......
جميل وأنت رايح لباكوس
وجليم لو مرحتهاش تبقى منحوس
ومعدى على سيدى بشر والرمل
زود السرعة يا أسطى ودوس
....
وسبورتنج وناديها مين زيها مين
وكفر عبده على الشمال
وهوا رشدى على اليمين
الابراهيمية والشاطبى ورأس التين
والقبارى والورديان وللمكس رايحين
ولأبو تلات ولبرج العرب راجعين
.....
لإسكنرية والكورنيش حكاوى
والى رايح اسكندرية غاوى وهاوى
وأهل إسكنرية بالقلوب بيحبوه
ولإسكندرية طبع زى طبع القناوى
صدقنى من غير مجادلة وقول أيوووه
......
جميلة القعدة على الشاطبى
وغداك من عمو زين الفطاطرى
وجميلة القعدة فى أبو قير
هيام وعشق الهوا بلا تفكير
ومحطة مصر والمنشية
فيها كل الغرابى بالكرم متعشية
وكوم الدكة والحضرة
والشوارع عطر وخضرة
وجمال الفل والياسمين
فى الشوارع والقلوب شمال ويمين
.........
وأبوالعباس عمنا المرسى
دقلها ومطرح مترسى ترسى
والقلعة والسفن والمراسى
وعلى الشط الضيوف والشماسى
والاسكندرانية طيبة وحنية
بحس وأنا بينهم أنهم أهلى وناسى
.....................................................................
Post A Comment: