يا ليالي..
شعر غنائي بقلم الشاعر محمد محمود الراوي
يا ليالي الحزن فارقينا
دا الدمع أشتكي فى عنينا
وصوتنا مجروح من همه
وكلماتنا بدموعها حزينه
وكل ما نحاول ننسي
نلاقيكى حالفه تبكينا
عملنالك ايه يا ليالي
يخليكى كده جايه علينا
ليه كل ما نداوي جروحنا
حزنك يعشش تانى فينا
عملنالك ايه يا ليالي
يخليكى رافضة تسامحينا
ويا ليالى الفرح انت فين
تعالى مرة وخدينا
وحشتينا والله وحشتينا
الحب ليه غايب عنا
قوللنا مرة وجاوبينا
ما يكنش العيب فى حبايبنا
ولا فى ان احنا حبينا
ولا يكون فيكى أنت
علشان مش عايزه تصالحينا
يا ليالي الحزن فارقينا
دا الدمع أشتكي فى عنينا
Post A Comment: