ابويا كان مش اى حد..
شعر غنائي كلمات الشاعر محمد عبد المنعم
ابويا كان زى الوتد
يمكن أشد
واقف معايا طول حياتى
ف ضهرى سد
عمرى ما جاش ف بالى
يبقى بينى وبينه بعد
ومش مصدق إنه مات
هو الكلام ده صحيح بجد؟!
حبه ببلاش من غير شروط
واى أزمة كانت تفوت
لو ايدى كانت ماسكة ايديه
بعده انا ضهرى بينحنى
ده موته فعلا هدنى
بعده الأمان انا مش لاقيه
ابويا كان مش اى حد
انا لسة فاكر كل لحظة
كانت بينى وبينه
وقلبى بعد منه
ع الفراق الله يعينه
تايه بدور تانى فيا عليا
وف سنينه
وكل حاجة كانت ما بنا
تقولى فينه
Post A Comment: