كل اللى حاولوا يكسروك
وبالف شكل يرخصوك
ويفشلوك وينزلوك
لما شافوك بقيت هرم
صعبان عليهم تبقى فوق
بعد الغروب بيبان شروق
تنجح اكيد لازم تدوق
منهم و يرموك بالتهم
............................................
حتى اللى قلل مرة منك
هييجى وقت ويحكى عنك
اصل النجاح بيجيب نجاح
شوف انت فين وهما فين
نجم ف سماك وهما مين
والحلم حق وشئ مباح
............................................
واقفين اهو ف اخر الطابور
وانت بتعبر الف سور
قلبك جرئ دايما جسور
يقدر يفوت كدة ف الحديد
لو حتى قالوا سد خانة
واتعاملوا حتى باستهانة
انت بنجاحك للأمانة
فارض عليهم يوم جديد
............................................
Post A Comment: