(الأخ الكبير) شعر بالعامية المصرية بقلم علاء بلبص شاعر من مصر

الأخ الكبير ملوش بديل 

الأخ الكبير في رقبتة أمانه ،

 نظرته لإخواته دايما مفيهاش خيانة .. 

هو الكبير ، والكبير ملوش بديل 

عشان كده وزنة تقيل وسط الصداقه ،

هيبته ثابته ووضعه ثابت . 

كلامه نافذ وفعله جدير ، 

من غير حماقه . 

وهنا السؤال ؟ لغزه كبير للافاده ..

هل هو بينهم ليه مكانه ،

أم وجوده سد خانه ، لوقت حاجه ..

هل هو دوره الوحيد إنه يكون ليهم حصانه ، 

ولا هيجي اليوم وضهره يتحني 

والنظره ليه فالنهاية هتكون شماته ..

عاش ما بينهم ، 

بيخفي عنهم كل الهموم ، 

بيشيل حمول الدنيا جوه منه ، 

كإنو بير ، بينسي نفسه بدون لازم ،  

ويبقي حاله مثل البعير ..

ماشي في ظلام وحده اسير ، 

فعلا لوحده ملوش بديل ، والجمره والعه ، 

حتي الدليل اللي في حياته ، مجرد شمعه ،

فبيعتكف عن الأحلام ، 

عايش حياته جوه دير طالب ينام

في عيونه دمعه ..

طب فين حياته ، 

لما اتركن علي ركن عشش جوه التابوت ،

فين حياته ،

لما أتهم من إخواته إنه ما بينهم جبروت ، 

ولا حد حاسس إن خيوط العنكبوت ، 

حوالين رقبته ، طافح مرار ، 

قادر يعيش دون إختيار ، 

بيقاضي الليل الحزين علي هم حاله ، 

فيبصله بدون جواب ،  وعنيه بتغفل فالنهار ، 

الكبير ادام عنيه شايف غبار وراه سراب ..

الكبير كبر وربي ، والصغير لما فرع حيله صبا ، 

ردد كلامه ، مثل ذمامو ، فتش حياته لقاها غالبا ،

النص قام والربع هان والباقي فكه ،

الشمس صحيت والليل بينعس جوه همه فنهاره شتا ..

طب هيا فتوه فيها حكمه ، 

ولا غدوه فيها فته ، 

واللي ينهش منها أكتر يبقي الكبير ،

ولو إختلفنا هتبقي عاركه ..

أوشكت ضحكت عيونك يابني الصغير ، 

قلبك حجر ، وزنه علي قلبي تقل ،

نظرة عنيك بقيت تحير ،

عقلك بينكر كل حالي ، 

لو كنت قادر إمسك مكاني يامقتدر ..

بس إنسي جرحك ببقي جرحي مدي حياتي ، 

وابقي فكر فيما بعد إنك كبرت فدي حياتي ..