................
مش كل كلام يتوزن
ولا كل كلام ....له تمن
كلام يتوزن بميزان الدهب
وكلام دخان بالهواء مختزن
................
يا كل قلب بيبعد ....ويعُود
يهل معطر بمسك...... وعُود
يعزف على كمنجة.....وعُود
ينسي الوجع ويحقق الوعُود
............
مش كل مرة نرد
لاجل الورد يتسقي العُليق
ساعات شوك الورد
هو اللي يجرح ايديك
بينسى أيام الود
وتهون عليه دمعة عنيك
...........
اختار ف الدنيا م اللونين
واياك تكون بين البينين
ي تكون مع السواد بقسوته
ي تتلون بالبياض زي الطيبين
..........
شاطر وعامل فيها جدع
وانت يعيني ماليك الوجع
كاتم جواك وراسم الضحكة
واللي يشوفك يقول يعيني عالدلع
..........
كله يا دنيا كدا ف المليان!
دايما عجلتك دايسةع الغلبان
وان اشتكى تعملي مش.. سامعة
ومصممة تعَيْشِيه ف ذل... وهوان
............
Post A Comment: