رسالة ل صحبي....
امبارح كنت........صبحي
كنت ضلي وقت شمسي
كنت بتداويلي جرحي
و فرحي بوجع امسي
كنت في وحدتي أُنسي
وكنت املي وقت يأسي
يا صحبي...
كنا واحد ......كنا سوا
كنت العليل وانت الدوا
كنا بنكمل بعضنا
مين انت ومين انا
كنا في ضهر بعض قوة
كأننا واحد مش اتنين
ولاحد يعمل بينا هُـوة
بنفهم كلامنا بالعنين
ولمّا اختلفنا..كان السكوت
والكلام مُر..ومَلُـوش صوت
ياصحبي......
حواليية أصحاب كتير
بـس دايما انت الأمير
اللي له في قلبي مكانة
دا أنت الاول والاخير
وأما نتقابل....
بسرعة نجري نتصالح
وانسى مين اللي جارح؟
وافتكر بس ذكرياتنا
وكأننا كنا سوا امبارح
وختاما......
معتش في عمري
وقت لسة يكفي
أعاتب ولا احاسب
بس بهديلك قلبي
Post A Comment: