هى الدنيا مالها وحشة كده
يمكن تكون مش متقلبة
ولا مافيهاش سكر خالص
نسيت أحطلها؟
لأ مش متأكدة
لونها باهت
مش مظبوطة
طعمها ماسخ
بقت مسخوطة
ولا طول عمرها
محطوطة على كوم زبالة
وانا لا شايفة و لا شامة
ولا مصدقة حاجة متقالة
انا على طول متخيلة
انها جنة فوق العادة
عيشاها سعادة بزيادة
معرفش الناس و اللى جواها
عايشة فيها مسلمة
لكن في مواقف فوق بعضها
بتطلع الكلمة منها من قلبها
وتشوف بعينها و تسمع بودنها
وتعرف مكانتك عندها
وتشوف الناس من غير الوان
من غير كلام حاطط مكياج
اعرف قيمتك لكن بلاش
تبقى واخد قوى ع السكر
ولا بغبار قلوبهم تتعفر
تسيب مايتك تتعكر
اسند نفسك خد بخطرك
اوعى بنفوسهم تتأثر
Post A Comment: