لو فيه مدرسة للشياطين
ح يعلموا فيها ايه
ح يعلموا فيها الشيطنه
وسوسة وابلسة وهباب وطين
ازاى تحافظ على قذارة المكان
وسفالة اللسان
ح يعلموهم الوطيَنة
ازاى بابداع تخون
وكله عشانك يهون
تعمل زلازل و براكين
عشان المصلحه
الوقت تقضيه فى هفوات
ما تندمش ع العمر اللى فات
تتفرج على الحق وهو بيضيع من سكات
ح تعلموهم يبقوا بياعين
يبيعوا الوطن يبيعوا الذمم يبيعوا الدين
يبيعوا اعضاء و بنى ادمين
يبيعوا العيال الصغيرين
ح يعلموك تعمل كل حاجة و تستخبى
اوعى راس الشيطان تبان
البسوا وشوش الحملان
استخبوا ورا الكلام
ليبرالية ديمقراطية حقوق انسان
تبقى شاب و تقلب شابة
واوعى تكون من ذنبك خجلان
خلى عيونك جريئة
وكلماتك بريئة
اقنع الضعيف انه ظالم غلطان
انه هو الشيطان
خليهم مش عارفين الصح من الغلط
خليهم يمضغولنا الزلط
خليهم يشدوا البطاطين
خليهم نايمين
مش عارفين مين
تلاميذ المدرسة؟
اكيد ..اكيد ..اكيد...مش الشياطين
Post A Comment: