الشاعرة السورية ملك محمود الأصفر تكتب قصيدة تحت عنوان "مين متلك"
.........................................
أبو أنس زين الشباب
مين متلك نجمه ما غاب
قمر بيضوي بعتم الليل
يسمين وزهر عالباب
راح تبقى أغلى الأحباب
و وردة ما بين الأصحاب
ريس بقلبك لكبير
وكلماتك هيه الصواب
...................
بقدومك وقت لبتطل
سحاب بيمطر عالكل
متل الربيع بنيسان
بتملا الدنيا ورد وفل
وجبينك عالي وبتضل
خيمة كبيرة وسنة وظل
أنت بوصلة الأحباب
ودليلك عمره ماضل
..................
خيي يا صاحي الضمير
بهالدنيا مالك نظير
قلبك صافي ومتل الماس
ولكفوفك ملمس حرير
غالي وراح بتضل كبير
وعالراس متوج أمير
والناس كلا بتحبك
وإيدك ممدوده الخير
.............................................
الشاعرة السورية ملك محمود الأصفر تكتب قصيدة تحت عنوان "مين متلك"
Post A Comment: