الشاعرة المصرية / نهله البدري تكتب: "أمي"
_______________
لو ف يوم حكتب رواية حتبقي أمي
حكتب قصيدة فصحي عمي هي أمي
أصل البدايه كل الحكاية هي أمي
من يوم ميلادي بدأت تسمي
وتدعي ليا من يومها حاملة همي
صدق رسولنا لما وصي بصحبة أمي
حافظة سري رافعة قيمتي
أمي أهم واحده ف حياتي وف مدينتي
ححكي عنها حاجات قديمة
أمي قالت كل واحد له مدينة
الدين أساسها والمبادئ القويمة
والشوارع إحترام أخلاق سليمة
أما نورها يبقي علمي ويا صبري حكون عظيمة
أمي بس بتربيتها عملتلي قيمة
فاكره ف ابتدائي لمبة البيت القديمة
أما كنتي تفهمني ف الحساب بطرق جديدة
قولتي يومها الحياة حلوة وبسيطة
فاكره ثانوي أما جيت كلي حيرة
قولتي يومها أنتي أدبي بكلامك أميرة
يومها بس قررت أكتب حكايات كتيرة
أمي ف دروسي حاضرة قبل مني
أمي بتبكي ف النتيجة وخايفة عني
حتي ف الجامعة الحكاوي بحكيها لأمي
أمي علمتني إزاي أصون
وإن كل خاين راح يخون
علمتنا الإخوه إزاي تكون
علمتنا إن فرطنا راح نهون
أنا عشقي لأمي عدي الجنون
وأما ححكي ححكي أمي
أنا أمي صبر أنا أمي جبر
أمي ف دفاعها عنا بتبقي صقر
أمي شافت ف حياتها مر
أنا أمي لو أتكلمت كلامها أمر
أنا أمي ليا وأخواتي هدي وفخر
أنا أمي سند لينا و ضهر
أمي عيدها مش بس يوم ولا حتي دهر
أمي لو ع الهديه أنا عمري مهر
الشاعرة المصرية / نهله البدري تكتب: "أمي"
Post A Comment: