الشاعر المصري / حسين صلاح حسين يكتب "فى نص الليل بين اوراقي"

 

الشاعر المصري / حسين صلاح حسين يكتب "فى نص الليل بين اوراقي" 

فى نص الليل بين اوراقي 

وقهوتي على يميني.. 

وبكتب حداويتي..

وبفتكر عمري اللي راح 

منها.. 

وبفتكر مواولنا..

قاعد.. 

قاعد بين حطان صلبه

بداوي جروح ما بتخفش

اعلنت الحد على حياتي

اني ما فرحش غير لما

ترجعلي ضيا عيني..

جوايا..

جوايا حزن ما بيدوبشي

محفور فى قلوبنا وجوارحنا

مكتوم جوانا ما بيخفش

ساكن ليالينا وايامنا.. 

وكاتب على نفسه عهود 

إنه.. إنه ما يفارق ليالينا..

واهو دا حزني وجراحي

وجراح كل اللي حب..

هي دي كل الحكاوي

هو دا عمري اللي راح..

ماسك..

 ماسك في حلم 

لا يودي ولا يجيب

وكاتب على باب قلبي 

بلاش أحزان.. 

ما أنا دوقت المر سنين

واهو دا حالي وحال الناس

قولولي ازاي اداوي جروحي 

واداوي نار القلوب.. 

ما هو اصلي مكوي بجراح

ولا سعادة الدنيا تمحيها.. 

ازاي يخف المرار.. 

وازاي يندمل الجراح..

كنت نسمة في وسط 

حزن.. كنت ورده مفتحه

لا كان حزن يكويني..

ولا كان في قلبي المرار..

قولولي..

قولولي ازاي يا ناس 

ازاي افنى الجراح.. 

في نص الليل بين اوراقي

وقهوتي على يميني.. 

وبكتب حداويتي.. 

ماسك قلمي بجوارحي

وكاتب على صورتها.. 

كاتب مواجع كتير.. 

كاتب الدمع في عيوني

ونار البعد يكويني..

ونفسي ارجع يوماتي

لنوري وضي عيوني

كاتب كلام كتير..

كاتب من أول سطر 

بدموعي بلاش احزان

كاتب بالدم حزني.. 

والهم ويايا يوماتي.. 

والعين تنزف جراح

والقلب مليان احزان

وارجع وقول للسعادة يوم

لكني تملي ميؤوس.. ميؤوس

الشاعر المصري / حسين صلاح حسين يكتب "فى نص الليل بين اوراقي"