الشاعر والأديب المغربي / المصطفى نجي وردي يكتب زجلًا تحت عنوان "جيتكم اليوم يا اهلي"
جيتكم اليوم يا اهلي
ْيا رجال يا اولاد لَسْياد
ْ علاش تا حَد فيكم
ْما اهداه الله وما تْقاد
اوليداتنا ابحالهم ابحال
لولادْ
اقراوْ واجراوْ يا
لجوادْ
ما خطفو همزة
ما زرعو اوتادْ
طلعوا مع اجنابكم
اللي انهبْ
واللي اسرقْ
واللي ضَعٌَفْ
وفَقٌَرْ لبلاد
اسرق لفلاحة
اسرق لبحر بحوتو
واسرق الخيرات
واعطاكم بالظْهرْ
واركلكم وزاد
كونو حُكَماَ
كونو لْبابْ
هذا حَرٌَزْ ليه الغابة
نَشٌَفْ الساقية
واطْمَسْ لغديرْ والوادْ
والدرويش مَكْوي
بْسيوفو مذبوحْ
يشوفْ بعينيِهْ
ودمٌُ يغلي جاري هوٌادْ
قَلٌَتْ صحْتو
ونقْصَتْ ليه المونة والزٌَادْ
قلبو من الحكرة يْفيضْ
ومن الحب تْجيهْ
غيرة على هاذ لبلادْ
المصطفى نجي وردي27\\8\2022
Post A Comment: