الشاعر المصري / إبراهيم سلامه يكتب قصيدة تحت عنوان "بهجتي"
لما بقول يا بهجة الأيام
مبيبقاش كلام والسلام
طب مأنا من غيرك وحيد
أنا من غيرك تايه شريد
جيتي خليتي لحياة معنى
جيتي تقولي لي خليك معايا
وأنا أبص وأتعجب وأقول
عملت أنا ايه حلو وفي مين
عشان ربنا يبعتلي هدية زيك
ياللي أنتي زيك مفيش زي
جيتي وخدتيتي مني إليكي
بقيت مهتم بيكي وبس
بقيت مش فارق حتى إني أعيش
غير إني بس علشانك أعيش
كإن الكون كل ميستاهلش
وجيتي تقولي أنا الكون متسبنيش
كنت ناوي على عزلة طويلة
جيتي غيرتي حساباتي
وبقيتي أنتي وحدك عزلتي
بقيتي أنتي وحدك ناسي
أنا مكتفي بيكي وحدك
خلاص مش عاوز غيرك
لو قفلت ديرتي عليكي
أنا موافق أعيش لك وحدك
أنتي ايه غير كون متكامل
وحدك جميعهم ولا ليكي زي
مش مهتم أدور تاني
ولا حابب أدور تاني
لقيت فيكي كل الناس
لقيتك أنتي ست الناس
بقيتي الضحكة اللي بضحكها
بقيتي الفرحة اللي عايش بيها
أنا ممتن للأيام و ليكي بجد
وخلاص مش عاوز غيرك حد
أنتي دنيتي والأحلام
أنتي حياتي والأيام
الحياة من قبلك ليل طويل
وبيكي أنا شمس نهاري طلعت
بيكي أنتي بس أنا مهتم
أنتي بهجتي وبهجة الأيام
ومهما الكلام يطول
ومهما أكتب الشعر ليكي
مفيش كلام يوفيكي
ولا حتى مليون ديوان
لقيت فيكي أنا كل الناس
يا ست الناس وتاج رأسهم
Post A Comment: