الشاعر السوداني / مفرح عبيد حماد يكتب زجلًا تحت عنوان "أهل البندر والبوادي"
أهل البندر والبوادي،،،،،،، سلام
إطمئنان عليكم،،،،، عساكم تمام
يارب سالمين وعايشين في وئام
لا عنصريه لاجهوية،،،،،، لا خِصام
وببدأ إطمئنان بالجنينه الحنينه
حيث التعايش والطباع الرزينه
الحمدلله من خيرها،،،،،،، ارتوينا
حُب واحترام دارندوكة والجنينه
وصعد قبل لنيالا،،،،،، الخضراء
البلدة الطيبة،،،،،، البقعة السمراء
الخضرة والنُضرة والوادي والرمضاء
وين يا ناس؟؟؟؟؟ زيها بلقى
وبمش بعانق،،،،،،،، جبل مرة
زالنجي بحبها،،،،، مليوون مرة
شموخ الجبل والأرض مخضرة
والله اكتفيت واتمليت،،،، مسرة
سلام شرق دارفور والضعين
البلد المعطاءه،،،،،، البلد الحنين
فرقان وبوادي حُنااان عايشين
منهم شلتَ سمنايه،،،،،،، وسعين
تحايا وسلام فاشر السلطان
ريد ومحبة،،،،،، وعشق كمان
فايقين ورايقين بسلام وأمان
دارفور جت ف حبها،،،،،، غمران
كردفان الكُبرى الطيبه والتحنان
الفولة وكادوقلي وبارا والحبان
كلّ التعايش،،،،،،،، البنادر والفرقان
موجوود،،،،،،،،،،، هنا في كردفان
سلاااام ابقبةة فحل الديوم
مساجد ومعالم تنسي الهموم
الابيض صِبح منافس الخرطوم
بحبك،،،،،،،،لمن القيامة تقوم
بحر ابيض وكوستي وسنار
تُقابة وقرآن وجمال ووقار
وعطبرة سكك حديد وقطار
نهر النيل،،،،،،، النماء والإعمار
سلاااام كسلا والقاش وتوتيل
والجزيرة اسلانج وجزيرة الفيل
والجزيرة أبا والمعارك،،،،،،، والخيل
وبورتسودان الموانئ والظل الظليل
سلام وعوافي الروصيرص والدمازين
اهلي! ان شاء الله حالكم،،،،،،،،،،،،،، زين
حُناااااااااااااااااان من زمان عايشين
بقعد حداكم،،،،،،،،،، افوتكم وين
قضارف الخير،،،،، والعزيمة قوية
والفشقة معروفه أراضي سودانية
نزرع السماسم،،،،،،، حصادنا كمية
نهز باليمين،،،،،،،، وندوقر العمية
ارض الشمال والدهب الغالي
البيه يصبح البلد،،،،،،، عالي
والنخيل التمر بالقطاعي والاجمالي
والسلام والتعايش،،،، خير مثالِ
وبختم تطوافي بالعاصمة الخرطوم
شريان البلد النابض المهموم
عين البلد الحاشة ما بتنوم
عقبال تنجم وتريح المهموم
Post A Comment: