الدكتور حامد لبيب
من سلسلة (أبطال منسيون) بقلم د. شريف شعبان
بطولة الدكتور حامد لبيب مجهولة، لإن دوره كان خارج أرض الوطن لكنها لازم تتدرس في التاريخ.
الطبيب المصري حامد لبيب استشاري الجراحة العامة في مستشفى العدان في دولة الكويت وقت ما كانت بيقوم بدوره الطبي حصل غزو العراق على الكويت، ساعتها المستشفى اتملت بالجرحى والمصابين من حرق وبتر ويغيرهما من الاصابات العنيفة.
ورغم ان مئات الكوايتة نفسهم سابوا الكويت وهربوا، إلا إنه رفض إنه يسيب الكويت بل إنه يسيب المستشفى نفسها، وفضل فيها ومعاه مراته طبيبة تخدير والطبيبة الوحيدة اللي فضلت في المستشفى يقوموا بدورهم الإنساني صبح وليل في معالجة جرحى ومصابي الحرب، وشاف إنه من الندالة إنه يسيب الناس اللي محتاجاله ويهرب. وفي يوم 22 فبراير 1991 ضربت طيارات عراقية 3 صواريخ على المستشفى وعلى بعد 30 متر منه شخصياً لدرجة إنه فقد عينه الشمال وتهشم نص وشه وفقد وعييه. وبعد يومين من الحادث العنيف رغم إصابته رجع للمستشفى وهو رابط وشه وعينه صمم إنه يكمل دوره في المستشفى في إجراء عمليات لمصابي الحرب لحد يوم تحرير الكويت. وبعد أيام زار مصوري قناة CNN المشتفى علشان يصوروا الجراح اللي عمل المعجزات دي ولما شافوه قالوله عايزين الجراح مش مصاب قالهم أنا الجراح!
اتمنى تكريم على مستوى عال للدكتور حامد لبيب سواء في مصر أو في الكويت، لإن أيادي المصريين البيضاء على الكويت كتيرة ومستمرة ولازم كلنا نفتكرها.
Post A Comment: