خاطرة (عيون)
بقلم الكاتب محمد سعد
لما العيون تنطق وترسم ع الملامح
وتخط ع الجبين عمر السنين
وتقول حاجات
وتقول سلام
وتقول كلام
أول مره تسمعه م الذكريات
وتقول لنفسك يا واد هي العيون بتتكلم
ويرد بسرعه جواك صوت السكات إسكت يا واد
دي بتتكلم بكل اللغات
ومتعلمه يا واد كل الحاجات
والمحتاجات
بتتكلم لما اللسان يخرص
وبتتحرك وتتنفض وقت الثبات
طايله برمشها السما
ووسط النجوم دموعها
بتعزف نايات
وعلي الأرض ماشيه عروسه
لكل وقت وكل ٱت
وهي برضه هي إللي سارحه
في الأراضي وفي الصحاري
وفي الغابات وقت الشتات
وهيا حلمك وحلم جدك
من البدايه للممات
Post A Comment: