في قلبي صدق ف حبي ليه
ف زمانا ده كتير لحبي
ما يصدقوش
ف قلبي حنين عايش لحبه
ولو عشت عمري ولبعد عمري
ما قابلتهوش
ف قلبي دمع وما يبان ف عيني
غير لما اكون قاعد ما بين
قلبي وبيني
ف حبي ليه صدق الضمير
وحاجات كتير
وألف معني
مهما غاب عني حبيبي
مشاعري أبدا
ما تخونوش
أنا لو حروفي ألف حرف
وأوصافي وصفت ألف وصف
ما توصفوش
أنا مهما قلت ومهما عدت
وحكيت حكيت عشق الحكاوي
كل الحكاوي
ما تكفهوش
ولو رسمت كل الجمال
وطبيعة أروع من الخيال
بحر موج
عصفور
شجر
سما نجوم شمس وقمر
ورسمت دمعي ف غربتي
زي ليل حزين حاضن مطر
كل ده شيء مختصر
من ملامحة
حتي الجمال بيتكسف
لو صادفه يوم وشاف عيونه
يعدي وكأنه
ما يعرفوش
ف قلبي صدق
Post A Comment: