(ما تخليش الدنيا تاخدنا) شعر غنائي لمحمد محمود الراوي

ما تخليش الدنيا تاخدنا

لأحزان تسكن جوه قلوبنا

ونحس ان الحب ما بينا

بيخطي ف طريق مسدود

خلى أحلامنا تفضل فينا

تمسح دمعة ف حضن عنينا

حبنا هو اللى بيحيينا

ويعلن فينا نبض وجود

الطير لو هاجر عن ارضه

بيرجع تانى لأوطانه ويعود

ما تخليش حبك يسمعنى

لحن حزين ف أوتار العود

حبنا شيء لازم نفرح له

علشان عدى كل حدود

حبنا اكبر حب ف زمنه

اكتر حب صدق ف وعود

وده مخلينى عايش فيكى

وبفرح قوى قوى  لما الاقيكى

وده اللى ما خلى الحب ف قلبى

يموت لو عاش يوم غير ليكى

حبنا باقى حب خلود

حبنا عمره ما شفته ف يوم

ابدا عمره ما كان مهدود

ما تخليش الدنيا تاخدنا

لأحزان تسكن جوا قلوبنا

ونحس ان الحب ما بينا

بيخطي ف طريق مسدود