(إحساسى بيك)
بقلم الشاعر محمد محمود الراوي 
إحساسى بيك إنعدم
وحبي ليك بقى ندم
مش باقي غير دمعايه
واحزان وورقة وقلم
اديتك كل شئ
كان قلبى معاك برئ
ما أخدتش غير خيانة
وعذاب وجرح وألم
كنت بشوفك ملاك
حلمت اعيش معاك
كان حبي لك شيء غالي
وفجأة لاقيته إنهدم
وما قولتليش ايه ذنبي
لما جرحت لي قلبي
ما دريتش بأي حاجة
غير ان قلبك ظلم
أبكى من قسوتك
خليتني لعبتك
وانا لو طلبت عمري
كنت هاقول لك نعم
إحساسى بيك إنعدم
وحبي ليك بقا ندم
مش باقي غير دمعايه
وأحزان وورقة وقلم
Post A Comment: