(عرفتى انتِ مين)
شعر غنائي بقلم الشاعر محمد محمود الراوي
عرفتى انتِ مين
أنتِ اللى ساكنة
جوه قلبي من سنين
وانت اللى واخدة
شوقي منى والحنين
وانت اللى مهما
عيشتي جانبي
كإنى عارفك من يومين
لا فى زعل يبعدني عنك
ولا فى ملل يسرقني منك
ولا ساعة عدت
من غير ما اقولك
إنى يا حبيبتي بحبك
أنتِ الأمل وسط حلمي
أنتِ فرحة عايشه جانبى
أنتِ آخر حب صادق
فى زمان الكاذبين
عرفتي انتِ مين
Post A Comment: