(أنا عَاَقِل) بقلم الشاعر أ. محمـد عنانى

(أنا عَاَقِل) 

بقلم الشاعر أ. محمـد عنانى

وِبيقولوا إن أنَاَ مَجنُون

عَشَاَن طَيب وقلبى حَنون

والعِشرَه فى يوم مَاَ تهون

ولاَ بَأغدُر ولاَ أعرَف أخون

وكَلاَمى كَمَاَن مَوزُون

وأقول الحَق مَهمَا يكون

ولا أحبِش سَلَف وديون

وبَأحس بسَعَاَدة الكون

إذا لِغيرى أكون فى العُون

عَشَاَن رِزقى أَكيد مَضمون

أناَاَ عَاَقل ومش مجنون

وعَاَرف إِيه حُقوق جَاَرى

ولِيه دَاَيماً أَنا شَاَرىِ

وفى الشِدَه إِليه جَاَرى

وأكون دَاَيما أنَاَ بَاَري 

مَدَاَم عَاَرفه أَنا ودَاَرِى

ولاَ أقفِلشِ فى يوم دَاَرى

أمام مِحتَاَج ولاَ أدَاَرِىِ

داَ شِىء بِيزيد فى مِقدَاَرى

ثَوَاَبه على الدَوَاَم سَاَرى

ليوم الدين ومِتدَاَرى

أنا عاقل ومش مجنون

وحَا أَعمل خِير وأكون ممنون

ولو قَاَلوا إن أنا مجنون

أنا رَاَضى أكون مجنون