حكيت للوَدَع..
بقلم الشاعر أ. فتحي يحيى
——-
هربت بعيد
على الصخرة
ف طرف الشط مستنِّى
تجينى الموجة رحالة
وتحضنِّى وتغسلنى
لقيتها بتقلب الرحلة
وخافت حتى توصلنى
ورجعت بحرها جارية
ليملاها وجع منِّى
لقيت ودعة على الرملة
قالتلى ياطيب إسألنى
ولما شكيت لها حالى
وع الجرح اللى قاتلنى
قالتلى روح بلاد تانية
يجوز تلقى قلوب تانية
بتعرف يعنى ايه تعشق
بكلمة حب تتصدق
قلوب ترقص وبتغَنِّى
Post A Comment: