- ﺍﻟﺨﻠﻄﺔ ﺩى ﺑﺘﻀﺮ ﺑﺼﺤﺔ ﺍﻟﻨﺎﺱ ﺇﺫﺍ ﺗﻌﺎﻃﻮﻫﺎ ؟
● ﻻﺀ
- ﺣﻠﻮ .. يعنى ﻻ ﺿﺮﺭ ﻣﻨﻬﺎ ﻭﻻ ﺿﺮﺍﺭ
● ﺃﻳﻮﺓ ﺑﺲ ﺩﺓ ﻧﺼﺐ ﻭﻏﺶ
- ﻻﺀ .. ﺍﻟﻐﺶ ﻫﻮ ﺍﻟﺘﺤﺎﻳﻞ على ﺇﻋﻄﺎﺀ ﺻﻔﺔ ﺍﻟﺠﻮﺩﺓ لشئ ﻏﻴﺮ ﺟﻴﺪ ، إﺣﻨﺎ ﻫﻨﺎ بقى ﺑﻨﻌﻤﻞ ﺍﻟﻌﻜﺲ
● ﺍﻟﻌﻜﺲ ؟
- ﻃﺒﻌﺎً .. إﺣﻨﺎ ﻫﻨﺎ ﺑﻨﺪى ﻟﻠﻨﺎﺱ شئ ﻏﻴﺮ ﺿﺎﺭ فى ﺻﻮﺭﺓ ﺍﻟﺸﺊ ﺍﻟﻀﺎﺭ ، اللى ﻫﻤﺎ ﻣﺘﻌﻮﺩﻳﻦ ﻋﻠﻴﻪ ﻭفى ﻧﻔﺲ ﺍﻟﻮﻗﺖ ﺑﻨﺤﻤﻴﻬﻢ ﻣﻦ ﺍﻟﻀﺮﺭ
● ﻭﺑﻨﺴﺮﻕ ﻓﻠﻮﺳﻬﻢ
- ﻻ .. ﺑﻨﺎﺧﺪ ﺗﻤﻦ ﻋﻼﺟﻬﻢ ، ﻭﺣﻤﺎﻳﺔ ﺻﺤﺘﻬﻢ ﻣﻦ ﺃﺿﺮﺍﺭ ﺍﻟﻤﺨﺪﺭﺍﺕ ، ﺑﺎﻟﻈﺒﻂ ﻳﺎ ﺃخى ﺯى ﻣﺎ ﺍﻟﺪﻛﺘﻮﺭ ﺑﻴﺎﺧﺪ ﺗﻤﻦ ﺍﻟﻔﻮﺯﻳﺘﺔ
● ﻋﺎﻭﺯ ﺗﺒﻴﻊ ﻛﻴﻠﻮ ﺍﻟﺤﻨﺔ ﺑـ ﺃﻟﻒ ﺟﻨﻴﺔ ﻭﺗﻘﻮلى ﺗﻤﻦ ﺍﻟﻔﻮﺯﻳﺘﺔ ﻳﺎ ﺣﺮﺍمى
- ﻃﺒﻌﺎً .. ﻣﺎﻫﻮ إﺣﻨﺎ ﻣﻨﻘﺪﺭﺵ ﻧﺒﻴﻊ بأﻗﻞ ﻣﻦ ﻛﺪﺓ ، ﻋﻠﺸﺎﻥ ﺍﻟﺰﺑﻮﻥ ﻳﺜﻖ فى ﺍﻟﺼﻨﻒ ﻭﻳُﻘﺒﻞ ﻋﻠﻴﻪ ، إﺣﻨﺎ ﻣﻘﻴﺪﻳﻦ بأﺳﻌﺎﺭ ﺍﻟﺴﻮﻕ ﺍﻟﻌﺎﻟﻤﻴﺔ ﻳﺎ ﺩﻛﺘﻮﺭ .. ﺍﻟﻠﻪ
● ﺳﻮﻕ ﺍﻟﺴﻔﺎﻟﺔ ﻭﺍﻹﺳﺘﻐﻼﻝ
- ﺍﻹﺳﺘﻐﻼﻝ أﺻﺒﺢ ﻋﺮﻑ فى ﺟﻤﻴﻊ ﺍﻷﺳﻮﺍﻕ ﻳﺎ ﺩﻛﺘﻮﺭ ، ﻗﻮلى ﻣﻴﻦ أنهارﺩﺓ مابيشتغلش ﻣﻴﻦ ؟
● ﺃﻫﻮ ﻫﻮ ﺩﺓ بقى اللى ﺟﺎﻳﺒﻨﺎ ﻭﺭﺍ
- ﻣﻮﺍﺯﻳﻦ ﺍﻟﺪﻧﻴﺎ أﺗﻐﻴﺮﺕ ﻳﺎ ﺃﺑﻮ ﺻﻼﺡ ، ﻣﺤﺪﺵ ﺩﻟﻮقتى ﺑﻴﻮﺯﻥ ﺑﺎﻟﺤﻖ ﻭﺍﻟﻌﺪﻝ ﻭﺍﻟﺮﺣﻤﺔ ، ﺍﻟﺴﻨﺞ أﺗﻐﻴﺮﺕ ، ﺯى ﺍﻟﺮﻃﻞ ﻣﺎ أﺗﻐﻴﺮ ﻭبقى ﻛﻴﻠﻮ
● ﻻ .. ﺳﻴﺒﻚ ﻣﻦ ﻣﻨﻄﻖ ﺍﻟﺠﺸﻊ ﺩﻩ
- ﺍﻟﺠﺸﻊ ﻫﻮ إﻧﺘﻬﺎﺯ ﻓﺮﺻﺔ أﺣﺘﻴﺎﺝ ﺍﻟﻨﺎﺱ ﻷﺳﺎﺳﻴﺎﺕ ﺣﻴﺎﺗﻬﻢ ، ﻭﻓﺮﺽ ﺃﺿﻌﺎﻑ ﻣﻀﺎﻋﻔﺔ ﻟﻘﻴﻤﺘﻬﺎ ﺍﻟﺤﻘﻴﻘﻴﺔ
● ﻣﺎﻫﻮ ﺩه ﺍللى إﻧﺖ ﻋﺎﻭﺯ ﺗﻌﻤﻠﻪ
- ﻻ .. ﺍﻟﻜﻴﻒ ﻣﺶ ﻣﻦ ﺃﺳﺎﺳﻴﺎﺕ ﺍﻟﺤﻴﺎﺓ ، ﻻ ﻫﻮ ﺳﻜﻦ ﻭﻻ ﻛﺴﺎ ﻭﻻ ﻏﺬﺍ ، ﻭﻣﻤﻜﻦ ﺍﻹﺳﺘﻐﻨﺎﺀ ﻋﻨﻪ
● ﺩﻟﻮقتى ﺑﺘﻘﻮﻝ ﻛﺪﺓ ؟
- ﺍلله .. ﻣﺶ ﺩه ﺭﺃﻳﻚ ؟
● ﺍللى إﻧﺖ ﻣﺶ ﻣﻘﺘﻨﻊ ﺑﻴﻪ
- أقتناعى الشخصى ﻣﻦ ﻋﺪﻣﻪ ، ﻻ ﻳﻐﻴﺮ ﻣﻦ ﺍﻟﺤﻘﻴﻘﺔ فى ﺷﺊ
● أﻳﻪ ﻳﺎﺽ ﺍﻟﺒﻼﻏﺔ ﻭﺍﻟﻤﻨﻄﻖ ﺩﺓ ﻛﻠﺔ ، ﺃﻣﺎﻝ ﻣﻔﻠﺤﺘﺶ ﻟﻴﻪ فى ﻛﻠﻴﺔ ﺍﻟﺤﻘﻮﻕ ؟
- ﻛﻠﻴﺔ ﺍﻟﺤﻘﻮﻕ هى اللى ﻣﻔﻠﺤﺘﺶ ﻣﻌﺎﻳﺎ ، ﺧﺴﺮتنى
● ﺩﻩ إﻧﺖ ﻛﺎﺭﺛﺔ
- ﻋﻴﺐ ﻳﺎ ﺃﺑﻮ ﺻﻼﺡ ، ﺩﺓ إﺣﻨﺎ ﺍللى ﺑﺮﻭﻛﻨﺎ ﺍﻟﻠﺒﺎﺭى ﺟﻮﺍ ﺍﻟﺸﺒﺎﺭى ﺑﺎﻟﺪﻫﻠﻜﺔ
● أﻳﻪ ؟ !!
- ﺑﺎﻟﺪﻫﻠﻜﻪ .. ﺃﻋﻤﻠﻚ أﻳﻪ بقى ﻣﺎﻧﺖ ﻣﺎﺑﺘﻌﺮﻓﺶ ﻟﻐﻪ
محمود عبد العزيز- يحيى الفخرانى
#ﻓﻴﻠﻢ #ﺍﻟﻜﻴﻒ
المهم
تعليقا علي الحوار الممتع ده
الحوار العبقري حقيقة
هتقابل ناس كتير في حياتك كده أستاذه في قلب الحقائق وتمرير الباطل وبصراحه أستاذه في الإقناع وهتلاقيهم في كل كل فئات المجتمع موجودين وكلهم بيبيعو بضاعه رديئه وسيحاول جاهدا البائع أنه يبيعها لك بأغلي ثمن من البضاعات الرديئه إللي إتباعت بأغلي الأثمان إن لم يكن أغلاها.
هي بضاعه الكلام.
للٱسف إشترينا الزيف بأغلي ثمن معظمنا إنضحك عليه في يوما ما من شويه أونطجيه وبياعين كلام، وإشترينا ٱه إشترينا ، وهيجي غيرنا برضه يشتري كأن بضاعه زيف الكلام لا تنفذ مبتخلصش.
Post A Comment: