..
الفرح ف قلبك لو يفرح
أنا فرحتي بيكي
ما تتقدرش
الحب بقاله سنين بينا
وكإنه يوم عدي علينا
وما طاولش
وإللي ف قلبي
وإللي ف قلبك
لو عاش عمرنا مليون مرة
ما بيتغيرش
لو حبنا صبحه ما شقشق فجره
الطير ما يطيرش
لو عشقنا ليلة ما حضن الليل
الليل ما سهرش
ينام الحب
ف أحضانا
وعيونه ما تنامش
لو في ف الحب
اتنين زيينا
ودا أكيد ما حصلش
في ف حبنا
مليون إحساس
مليون معني
وحاجات ف زمانا
ما تتصورش
الفرح ف قلبك
لو يفرح
أنا فرحتي بيكي
ما تتقدرش
Post A Comment: