صورتى من برة شباب
لكن من جوة عجوز
جوايا ف واحد شاب
وعليه الرحمة تجوز
مش كل جروحنا بتتخيط
ولا كل جروحنا ف يوم بتلم
بضحك وانهار وحدى واعيط
ولا جالهم يوم عن وجعى ده علم
....................................
والدنيا اللى انا باحياها
بقالى سنين براها
تايه وبادور ف متاهة
بادور فيا عليا
من كتر ما قلبى حزين
قربت انا ع الستين
مع إن بقالى سنين
تميت ٣٠ وشوية
...................................
انا نفسى اقابل روحى
احكيلها ع اللى واجعنى
ياما شيلت الشيلة وجروحى
تقيلة ولا حد يعينى
والوقت سنينه بتعدى
وكبرت انا قبل الشيبة
بصيت ولقيتنى وحدى
ف دنيا عليا غريبة
.................................
Post A Comment: