(عيون الليل) بقلم الشاعرة آمال مبارك

**** 

عيون الليل 

بقت شايفه 

فرح في النيل 

وترسم نورها للعشاق 

طريق مواويل

وتتسقط نجوم الليل 

علينا تميل

وانا وانت 

والف معني دليل 

علي ان الحب مش كلمه

ولا مجرد بس لحن جميل 

يبات الليل في احضنا 

نصحي نغني مع العصافير

واحلي رساله مكتوبه

وداع ياكل ماضي أسير 

واحلي فرحه في عيونا

وانا وانت سوا طايرين 

معاك شفت الأمان دنيا

ودنيا الخوف بقيت فانيا 

وكل الشوك بقي بساتين

ولو رجعت ورا الأيام

وهبدأ ارسم الأحلام

هرسم صورة لعيونك 

وقلبك بحر 

بألف شط حنين

ولو مرة هتعلي الموجه 

هتبقالي الأمان والمرسي 

ولا عمري لهواك هنسي 

غريق في بحر شوق يترسب

كأني في دنيا لسه فيها جنين