درست معك ياحب
انا دراسه
وجلست جنبك عمر
فوق ماسه
واليوم كبرت وتكبرت
وبعتني للحسن بسوق نخاسه
ومني رضعت فهمك وكل علمك
وعني رويت الحلم والفراسه
اعاملك بطيبة المحبين
وعاملتني بخبثها السياسه
تقابل الرقه بقسوتك حب
واللين وطيب القلب بالشراسه
ويعجبك تعذب الوفي لك
وتقرب اهل الدجل والدساسه
ياما عذاب لاقيت بك بعمري
وتلقي مني الصبر والكياسه
ابننك واصل حنان بصدري
وتتام وانا ساهر عليك حراسه
وياما عليك حنيت وطال شوقي
وللغير تعطي الانس والوناسه
كل العذاب منك يجيني وحدي
وللغير كرسي الحكم والرياسه
ياحب ماينفعش معاك وفاي
مادام تحب الخدع والخساسه
كلما اشتكيك غلب معاك امري
تدقها بحنكتك عماسه
واصل تغالطني وتنكر حسابي
وعذاب تبرعني برع بطاسه
خساره فيك ياحب كل عتبي
قللت سغف فلبي لك والحماسه
شنساك وانيى بك جحيم عذابك
انت الذي ضيعت اغلى ماسه
كنت احسبك جنه نعيم ياحب
ماكنت اضن انك جحيم تعاسه
# عادل العامري
صنعاء ٢١سبتمبر٢٠١٧م
Post A Comment: