سمرا رفقا" قد قتلني النوى
يامن دلال حسنك يدوخ بلاد
من بين كل الناس مدنف هوى
وانت من حبيت دون العباد
لما رنا طرفك بقلبي ضوا
من القلوب اصطاد قلبي اصطياد
وماكنت ادري قبل ايش الهوى
وايش يعني الشوق وايش السهاد
حتى رماني منك سهم الجوى
واحرم عيوني السلام والرقاد
عناد قد ك يرتعش والنهود
وخصرك يعاندني بخطوك عناد
سمرة جبينك واخظرار الخدود
وحمرة شفاتك نار تحت الرماد
الحب لك وحدك مالوش حدود
حبي بخور شعرك وعرف الزباد
سواد عيونك يحتويه البياض
وماالبياض لولم يخالط سواد؟!
لولا سواد العين ايش الرياض ؟
والله لولاه ايش رمز الحداد؟!
ارويه بالصد قال سحرك وفاض
على كوؤس العمر وجد البعاد
وكم بحبك زار قلبي انقباض
وبعض الظلال في الحب عين الرشاد
مشيت درب الحب فوق الرضاض
وفي الحنايا الجرح والاتقاد
وكم بات قلبي في اللضى يصطلي؟
ويعلن على الوجدان ليلة جهاد
ياحب جرحت بالحسن قلبي السلي
احرمتني انسي بذمة سعاد
عسى ليالي الهجر أن تنجلي
واروم بعد الهجر كل المراد
مهما يعاني في الهوى المبتلي
بالصبر يلقى مقصده والمراد
ولابد ما يجمعني الله بخلي الهلي
ونجعل مدينة سام دولة تشاد
Post A Comment: