هنا رسمنا، وهنا حلمنا
هنا كتبنا اول حروف اسامينا ف مناسباتنا.
هنا قعدنا هزرنا
هنا بكينا
هنا اخدنا علاج، و عملنا أعياد ميلاد
هنا اتسحرنا ف رمضان و فطرنا ع الاذان
هنا علقنا زينه رمضان
و هنا وقفنا نشوف المسحراتي
هنا ضحينا ونحرنا و كيسنا ووزعنا
هنا عملنا العزومات و طبخنا ما لذ و طاب
هنا كبرت احلامنا زي ما كبرت أجسامنا
هنا اتلَمينا و اتدفينا على صينية سحلب او كاكاو
هنا امي، هنا اخويا، هنا اختي، هنا خير ابويا الحج
هنا الدفا و الأمان، هنا الحصن المتين التمام
هنا اللمه، هنا الهيصه،
هنا الدوشه هنا السهره لوش الفجر
هنا بيتنا رسمنا احلامنا على جدرانه
و نقشنا ذكرياتنا علي اعتابه
هنا اصحابي ال زاروني في وقت الشده ووقتي الصعب
هنا انا و اخواتي وامي وابويا وقت الشده قبل الفرح
هنا لمه أعمامي و خالاتي و اولادهم وقت الفرح
هنا بيتنا اتعلمت اول حرف، اتعلمت اول آيه اتعلمت اول فرض
هنا بيتنا بيت العز
Post A Comment: