مكتوب
كل اللى بيحصلك مكتوب
بتنفذه بالحرف انت يادوب
ومسيرين ومخيرين ومسؤولين عن الذنوب
والرحلة تبدأ و تنتهي فرح ووجع فى القلوب
مكتوب
كل اللى بيحصلك فى كتاب مشروح
موجوعه مشاعرنا و ندارى لكن حزننا مفضوح
ونقع ساعات من كثر الحمول
بس الوقوع مش لينا ....مش مسموح
مكتوب
كل اللى فات مكتوب بالحرف
اوقات تعيش مرتاح اوقات كثير عالحرف
اوقات رسائل تجيلك من غير جواب ولا ظرف
واوقات عشان ترتاح بتغض عنها الطرف
و اوقات تخاف مالناس وحكمهم والعرف
واوقات تقول خوفى ماهوش منطقي
وممنوع كمان مالصرف
مكتوب
كل اللى عدى علينا كان مكتوب
محسوب ومش محسوب
واجمل ما فيه كان دعوة من القلب لرب القلوب
والاستجابة من العمر الجميل محسوب
Post A Comment: