الشاعرة المصرية منال شاهين تكتب "صالة الوصول"

صالة الوصول...

في رحلة فوق السحاب

وقت يمر وسكة تطول

نِعّد الدقايق والثواني

وتحلم بصالة الوصول

لُـقا الأحبة بعد غياب 

وِد بين القلوب موصول

وسط الوشوش بِنْدَور

الخلق زحمة مش معقول

بس الـلُـقـا بينا نصيب

 زي المثل مـا بيقول

والعين بِتِوْسَع وتلمع

والقلب عليهم مشغول

ودقاته تجري ما تهدي

يِقَـلب في ورق كشكول

 انت مش بـصالة سفر

اصبر ..دي مش اصول

جهز الحضن والإبتسامة

دا انت في صالة الوصول