الود ليه بقي غالي؟
خلص وقل!
ولا ف السما عالي؟
ولا الحبيب مَلْ ؟
ونسي زماني
ولا الهجر هَلْ
وباع أحلى أيامي
أمانة عليك أوصفلي
ولا مصعبش عليك حالي؟
دا الفكر صاحبني
والقلب بيعاني
دا ميعِش من غير ود
الا أبو قلب خالي
إن كان مكانه بعيد
أشِد له رحالي
ولايكون بصحرا
أزرعله بستاني
بثمرة طارحة
خير وفرحة
وان كان زمانه خلص
أعيش في زمن تاني
وإن قالوا عنه خيال
أشوفه في احلامي
وإن كان دا وجع
ياريت ينساني
وإن كان لي حبيب
قوله الود عنواني
دا أنا قلبي لما حَب
نسي أهلي وخلاني
دا الود للقلب
زي الجسد
من غير روح فاني
Post A Comment: