الكاتبة المصرية آية صابر تكتب قصة قصيرة بعنوان "مهما طالت ظُلمات الظلم.. يأتي فجر الحق ليُنيرها"

( جرس الباب رن و بابا فتح) 

- دا بيت وعد محمد مندور؟ 

بابا = ايوا يا فندم اؤمر.. 

-أنا الرائد اسلام سيف الدين و معايا اذن من النيابه بالقبض عليها..

بابا = القبض عليها ليه؟  بنتي معملتش حاجه

- ثواني بس يا بابا نفهم في أيه.. 

- ايوا يا فندم انا وعد محمد مندور ممكن اعرف مطلوب القبض عليا ليه؟ 

=  حضرتك مُتهمه في جريمة قتل الآنسه مريم مجدي بلال.. 

- مريم أييييييه... دي.. دي صاحبتي المقربه... كانت لسه معايا امبارح... ازاى..؟! 

       في اللحظه دي كانت صدمتي أنها اتقتلت اكبر من صدمتي اني متهمه في قتلها... 

- لو سمحتي ملوش لزوم الجدال هتفهمي كل حاجه لما نوصل النيابه.. 

        ـــــــــــــــــــــــــــــــــــــــــــــــــــــــــــــــ

   وصلنا هناك.. 

- وكيل النيابه:  كنتِ فين مساء يوم الثلاثاء الموافق 9/12/2019 الساعه العاشره وخمسون دقيقه... 

- افتح يا ابني المحضر..

= كنت راجعه انا ومريم من شغلنا و زي كل يوم سبنا بعض عند المكان اللي بنسيب بعض فيه لان بيكون وقتها طريقنا مختلف... ووقتها انا اصريت عليها اني اوصلها لأنها كانت طول الطريق بتعيط..بس هي مردتش 

- كان سبب عياطها اي خلاف شخصي بينك وبينها؟

= لأ طبعاً..

- آنسه وعد ملوش لازمه التهرب راعي ان كل شئ ضدك وانك 99٪ متورطه في القتل!

= ايوا يا فندم بس انا معنديش اى دوافع لكدا وبعدين دي صاحبتي مستحيل اعمل كدا..مستحيل...

      * وبعد جدال طويل لحد ما وصلت لمرحلة انهيار عصبي من كتر الضغط..

- للأسف أنا عايز اساعدك بس انتِ اللي مش عايزه تساعدي نفسك..

- أكتب يا أبني و يتم حبس المتهمه أربع أيام علي ذمة التحقيق..

-  خدها يا شويش علي الحجز.. 

                ـــــــــــــــــــــــــــــــــــــــــــــ

         حسيت وقتها ان تفكيري وقف وعيني مبقتش عارفه اشوف بيها من كتر العياط.. مبقتش عارفه اعمل اى أزاى يحصل معايا كدا اتهم في قتل اقرب حد ليا.. يارب انا محتجالك وانت الوحيد اللي عارف الحقيقه واني مليش ذنب.. 

-اسلام: استني يا ابني...

            *الشاويش:  حاضر يا فندم..

-اسلام: اهدي شويه يا وعد وتعالي..

= حاضر.               روحنا في المكتب بتاعه

-اسلام: بصي يا وعد انا عارف انك بريئه غير ان شكلك مستحيل تعملي كدا في.....

     * دخل الشاويش:   وكيل النيابه عايز حضرتك يا فندم..

-اسلام: تمام، خدها و نكمل كلامنا بعدين..

ـ.             ــــــــــــــــــــــــــــــــــــــــــــــــــــــــــــــ

                       عدي يوم والتاني...

- ها يا آنسه وعد مش ناويه تفدينا بأي حاجه التأخير مش لصالحك

= انا هحكي لحضرتك اللي حصل بالظبط اليوم دا.. 

                                 ~ فلاش باك

- طب اهدي يا مريم و احكيلي اى اللي حصل بالظبط  

مريم  =  دخلت المكتب ادخل اوراق ولقيت فايل علي جنب اسمه شدني و فضولي كان هيموتني اني افتحه... فعلاً فتحته لقيت فيه اوراق و وصلات امانه  تخص ناس غلابه و المستبد دا ناصب عليهم واللي اكد ليا دا اني سمعته في مره وهو بيكلم ملاك وانتِ عارفه انها اقرب حد ليه.. كان بيقولها ان لو حد فيهم فكر مجرد تفكير بس انه يقدم شكوي فيه مش هيكون موجود ع الكوكب بعدها..

- طب وأنتِ عملتي اى دي كارثه؟! 

مريم = صعبوا عليا اوي قومت اخدت الاوراق دي صورتهم كلهم لان مكانش ينفع مرجعهمش تاني اكيد كان هيعرف ان انا اللي اخدتهم، ومن غبائي نسيت الورق علي مكتبي اليوم دا وهو شافه وقتها اتصل بيا وهددني اني لو اتكلمت او قولت اى حاجه تخص الموضوع دا هيقتلني و محدش هيعرف يوصلي  وانا خوفت وسكت لحد ما وصل الموضوع ان بقوا الاشخاص دول اعرفهم مقدرتش وقتها اسكت و قومت هددته اني هبلغ عنه وقفلت في وشه وانا عارفه ان اكيد دلوقت بيفكر هيأذيني ازاى

- متخافيش يا مريم مستحيل يقدر يعمل فيكِ حاجه

                            ~ نهاية الفلاش باك

- ووقتها سبتها ومشيت و معرفش عنها اى حاجه من الوقت دا

            ــــــــــــــــــــــــــــــــــــــــــــــــــــــــ

                  * في مكتب اسلام..

-كريم: بس انت ليه عايز تساعد البنت دي بالذات شكلها عجبتك هه..

-اسلام= هي حلوه وبصراحه مش وش مرمطه وكمان شكلها بريئه...متعملش كدا..

-كريم: وايه اللي مأكد ليك دا..

-اسلام= مدير الشركه اللي هي بتقول عليه دا بيني وبينه حوار قديم مأكد ليا صدق كلامها

-كريم: حوار اى؟ هو في حاجات انا معرفهاش ولا اى؟

-اسلام= كان متقدم فيه اكتر من شكوي قبل كدا و قبل م يطلع اذن النيابه تتلغي الشكوي 

-كريم بضحك : دا باين عليه واعر اوي

-اسلام = علشان كدا انا هفضل وراه لحد م اجيبه..

      ـــــــــــــــــــــــــــــــــــــــــــــــــــــــــــــــ

          * تم استدعاء إسماعيل فوزى عبد المنتصر.... 

-وكيل النيابه: ما قولك في الإتهام الموجه إليك في قتل مريم مجدي بلال..

-إسماعيل= انا مش عارف سيادتك بتتكلم عن ايه..

-وكيل النيابه: كنت فين مساء يوم الثلاثاء الموافق 9/12/2019 الساعه العاشره وخمسون دقيقه... 

-إسماعيل برد بارد : كنت في اجتماع.

            * وفعلاً بأثبات انه كان في الوقت في اجتماع.

-وكيل النيابه: يتم اخلاء سبيل المدعو إسماعيل فوزي عبد المنتصر بضمان محل اقامته و اخلاء سبيله من سرايا النيابه..

             ـــــــــــــــــــــــــــــــــــــــــــــــــــــــــــــ

         * اسلام اول م سمع الخبر 

-اسلام: ازااااااى يتم اخلاء سبيله انا متأكد ان هو اللي عمل كدا

-كريم = اهدي يا اسلام، اكيد في حاجه هتوصلنا للحقيقه

-اسلام بتفكير: اه هي دي اكيد في حاجه هتوصلنا....

-اسلام: كريم انا عايزك تراقبلي الراجل دا خطوه بخطوه

ـــــــــــــــــــــــــــــــ

             *اسلام عند وكيل النيابه...

-اسلام: ازاي يا فندم يتم اخلاء سبيله وحضرتك متأكد ان هو اللي عملها....

-وكيل النيابه =  القانون قانون يا اسلام وانا مفيش اى دليل يخليني أقبض عليه...

-اسلام: يا فندم في حياة واحده بريئه هتروح بسبب راجل مستبد زي ده ميهمهوش اى حاجه غير مصلحته و فلوسه!!.

-وكيل النيابه= ايوه بس..مفيش اى حاجه ملموسه تخليني أكد التهمه عليه !!..اديني انت دليل واحد علي كلامك دا 

اسلام: تمام يا فندم انا عندي اقتراح..

-وكيل النيابه= قول يا اسلام

-اسلام: تليفونه...احنا هنجيبه من تليفونه..عايزين اذن بمراقبته..

-وكيل النيابه=  وانا هنفذ ليك اللي انت عايزه علشان اثبتلك ان في حاجه اسمها روح القانون..

             ــــــــــــــــــــــــــــــــــــــــــــــــــــــ

- الو...ايوا يا باشا عايزين بقيت حسابنا مع مضاعفة المبلغ

-إسماعيل= انت بتقول اى يا جدع انت..

- بقول لسيادتك ان بعد العمليه دي البوليس مفتح عينه علينا بسبب الظابط اياه..لو حضرتك تعرف تبعده عننا وتنقله في حته هاديه كدا في الصعيد يكون فلل اوي

-إسماعيل= مينفعش الكلام دا دلوقت يا غبي..ومحدش يتصل بيا خالص وانا هعرف اجيبك 

- لا يا باشا انا مياكلش معايا الكلام دا انا عايز فلوسي دلوقت والا هيبقي عليا وعلي اعدائي 

-إسماعيل= انا قولتلك هعرف اجيبك يا غبي، ومتقلقش من موضوع الفلوس دا خالص كل اللي انت عايزه هيوصلك 

               ــــــــــــــــــــــــــــــــــــــــــــــــ

* و طبعاً اسلام متابع كل دا وكله متسجل و من متابعة خط سير القاتل قدرنا نوصله 

*والغريب  انه من اول قلم اعترف علي اسماعيل دا و لأنه مكانش واثق فيه وفي فلوسه 

* تم واجهة اسماعيل بالقاتل وبعد جدال طويل بينهم...تم تفتيش تليفون القاتل و من ثم تم تواجد المكالمات اللي بينهم متسجله وتم اثبات التهمه عليه وأمر وكيل النيابه بحبس كلايهما خمسة عشر يوماً علي ذمة التحقيق  و الافراج عن وعد من سرايا النيابه

           ــــــــــــــــــــــــــــــــــــــــــــــــــــــــــــ

-اسلام: الف مبروك البراءه يا وعد

= الله يبارك فيك، انا بجد مش عارفه اقولك اى وكلمة شكراً مش هتوفيك حقك

-اسلام بأبتسامه: لأ دا انا اروح اخلص باقي الاجراءات واجي نشوف الموضوع دا استنيني انتِ برا في العربيه وثواني و هكون عندك

               ـــــــــــــــــــــــــــــــــــــــــــــــــــ

      * خرجت من هناك وانا مش مصدقه نفسي حاسه اني كنت في كابوس.. علي قد ما انا فرحانه ان خلاص خلصت من اللي كنت فيه دا علي قد ما الحزن مالي قلبي علشان مريم..  اكيد هي في مكان احسن بكتير

-اسلام: يلا بينا..

= يلا بين..... ماما وبابا فين؟ ازاى مش موجدين معايا هنا !!

-اسلام: انا اللي خليتهم يمشوا لان كانت حالتهم صعبه جداً، وبعدين انا طمنتهم عليكِ وقولت ليهم اني هوصلك لحد باب بيتك كمان

=  مش بقولك كلمة شكراً مش كفايه 

اسلام: هي فعلاً مش كفايه يا آنسه، انا عايز غدا و فنجان قهوه..

رديت بأبتسامه = بس كدا دا غدا وعشا كمان

  * وصلت البيت واهلي مش مصدقين وبصراحه ولا انا كمان مصدقه فعلاً كان كابوس..بس انتهي علي حلم جميل  ان اسلام قاعد برا مع بابا وهو بيطلب ايدي منه...

ماما: تعالي يا وعد كلمي بابا

= حاضر يا ماما 

* خرجت راح بابا قاله قابل يا عم بقي وعد ومكتوب عليك 

وكلنا ضحكنا وكان يوم جميل جداً

                                ف النهاية: 

     ( مهما طالت ظُلمات الظلم.. يأتي فجر الحق ليُنيرها)