ماتسبنيش أتخبّط كده هو....
في بحر الأفكار
جاوبني وردّ عليّ وقول
ياميّة ...أو ناااااار
مش عارفة مشكلتك إيه
وإيه اللي بيرضيك
غلبت معاك وحياتي اسودّت
ومش قادرة أختار
أختار إني أبقى معاك واطفي نار الشوق
والا أبعد واجري بعيد
واهرب من الأخطار
غيرتك ح توّهنا معاها ودايماً ضارب بوز
من يوم عرفتك وانا وانت حروب ويّاها نقار
زيّ ماكون أنا وانت بحرب
والفايز خسران
قلبي وقلبك حبّوا بعض وبينشحنوا شرار
إهمد بقى وتعال بحضني
وادفى بنار الشوق
غمض عينك وافتح قلبك
خود لهوايا قرار
أنا قلبك أنا حبّك أنا
أنا مرفأ للرّوح
أوعى تفكرّ تهرب منّي
مش ح تلاقي فرار
Post A Comment: