الشاعرة المصرية زيزي الحداد تكتب قصيدة بعنوان "الشيب قبل الاوان"

الشيب قبل الاوان

انا العجوزه اللي بتداري وجعها بالالوان

من الطفوله والصبا وحتى الان

واما ابين ضحكتي

بكون غرقانه في الاحزان

وحكاياتي عن السعاده مجرد كلام

انا اللي طول عمري بحلم اني اعيش

وابقي زي كل البشر والفرحه متفارقنيش

وافوق من وهم احلامي والاقي

كل حكاياتي عن السعاده مجرد كلام

انا من يوم ماكبرت وعرفت عقلي

كل ليله تعدي دمعي علي خدي

يمكن اكون زي ناس كتير

بس الفرق بيني وبينهم كبير

بيجي وقت عليهم ويلاقوا اللي يواسيهم

او حتى ايد في حياتهم  تمسح دمعة عنيهم

اما انا

وحدي غرقانه في الاحزان

لاحد جنبي يواسيني 

ولا حضن في البرد يدفيني

وكأني خاصمتني سنيني