الشاعر زيا خمو الاروشـــي يكتب قصيدة بعنوان "ما تحاسبنا"

------------------

ندمان على الايام الي انكضن هدر وياك

ما تحاسبنا عفتني وخليت معلق الحساب

انتظرت ايام وليالي كلت بلكي تتغير

كلت اليوم يجي لو باچر وبعيون العتاب

لا سمعت منك كلمة حلوى ولا مرسال

اجيت اتحاسب وبوجهي سديت الابواب

كل املي ردت اشوفك واكعد وياك

ردت احلها وما ردت تدخل بينا الاغراب

مشكلتي كانت صغيره وما ردتها تكبر

بس انتشرت بسرعة وكثرة عنا الالقاب

هاي الي ردتها شمتوا بينا كل الناس

شكيت من اول يوم بيك وبحبك الكذاب

صدقت روحي وبنيت بيك كل الامال

لان انا حبيتك ما كان بينا حساب وكتاب

شكد صرفت ايام من عمري وياك هدر

تعال نتحاسب لو ,,لو انت تعرف الحساب