الكاتبة الإعلامية السودانية / ملاذ عوض تكتب مقالًا تحت عنوان "إحساس فرض وجود"
كلنا ما دايمين لبعض، ح يجي يوم ونبقى مجرد ذكرى في الحياة وخاصة في حياة بعض
بس بأيدينا نختار يا إما نكون ذكرى طيبة وحلوة أو ذكرى سيئة... بأيدينا نختار نكون في القلب أو لا...
في مثل بقول: "ابن آدم لو كتر بيغلى والبهيمة لو كترت بترخص"
مهما كان وجود الناس حولك كتار تأكد في يوم ح يمشو منك لو بخير أو بشر... خليك طيب الذكرى جميل الأصل راقي الأسلوب... عشان لما يجي عليك الدور تغيب بجسدك وتفضل مع الناس بروحك وتفاصيلك السمحة
(اي زول) ممكن يحس نفسه كتير حولك يعني قد يكون فرض وجود برضو بحس وببعد،،، بس برضو تأكد لو بعد عنك ما برجع ولو فرشت السماء بساط على الأرض، عارف ليه لأنك قللت من وجودو وشفتو حاجة تقيلة عليك وهو بعد ودا واجبو يقيم نفسو بنفسو،،، يلا سلام
من باب حب الآخرين..
لما زول يتمسك بيك دا ما بيعني انك ملاك على ارضو ولا هو ناقص بدونك،،، لا،،، بس في حاجة في القلب حلوة وبيشوفك جميل ويعمل ليك كل خير لأنك تستاهل،،، إنسانية يعني
يلا انت يا فالح قدر الحاجة دي وما تغلي نفسك عليهو،
وتبقى مستر بيزي لانو بصراحة بصراحه بجي يوم وتلقى ببح مشى خلاص، وتغني ظلموني الناس..
Post A Comment: