الشاعرة المصرية راندة محمود تكتب "يا بن اللعيبة"
مستخبى ورا و ش الطيبة
ايد بتحضن وايد بتحفر بير
وتغطيه بخوص و حصير
وفارش لى الارض حرير
وواخد اديا تعدى بيا
خايف عليا؟
فى الوش ابتسامة
وفى الضهر يالا السلامة
نصب لى فخاخ
وتريخ طراخ
وقعت و مش مدي خوانة
وبقيت فى قعر البير
بتعيط عشانى؟
واقف بتبعد عنى الناس
وتعين ع البير حراس
وتدق من فوقى الاجراس
عشان محسش بالوحدة
بتقول تستنانى
أخرج لوحدى وحدة وحدة
اعتمد على نفسى؟
طول ما انت معايا
مين ح يبقى ضدى؟
انت كفايا
عرفت عدوى
بتقول بستناك؟
ده كان فوقى بيعدى
ولما قدرت ع التحدى
وخرجت من عندى
سمعت سنانك بتصر
ح تقع يا عينى من الشر
ضحكتك كانت دليل
انك من اهل الخير
بس ربنا يسلم يا لطيف
من الوش الحنين
وهو فى الاصل مخيف
من اللى فى ايده ورد
وورا ضهره سيف
الشاعرة المصرية راندة محمود تكتب "يا بن اللعيبة"
Post A Comment: