الشاعر الفلسطيني / طارق زياد المزين يكتب زجلًا تحت عنوان "ااه يا بيت جدي"
ااه يا بيت جدي
شو ضل فيك
كل شي فيك
لكن ما في شي
عاد بيك
ملاك الهم والعذاب
ملاك التعب والشقى
يا بيت جدي
ما ضل شي فيك
ما بكى
حيطانك وحيده
جدرانك حزينه
غرفك عشش فيها
الفضى
سقفك من الهجر مكبوت
وترابك من العنى اشتكى
كان جواتك فرح
صار حزن وترح
كبر فيك الفرقه
كبر فيك الجرح
كان فيك حب ودفى
شبابيكك مفتوحه
تبذر امل
تحصد فرح وفى
عتبتك لامه للكل
لصغير للكبير
للام وللوليد
الي بالحشى
مليانه عطر وفل
تسقي حب تنثر
ورد وندى
ااه يا بيت جدي
شو مسوي فيك
الهجر
بيبانك تبكي
البعد
تذرف الدمع مريضه
قتلها الجفى
حيطانك
تبكي على الفرقه
زمان ما حضنها حدا
ترسل المراسيل
وتقول مواويل
ترسلها على طول المدى
على اطياف الصدى
Post A Comment: