د/عبير منطاش تكتب زجلًا تحت عنوان "راحت فين ليالينا"
راحت فين ليالينا
ولمة العيلة حوالينا
وفرحة وسعادةأهالينا
يا ترى الزمن غيرنا
ولا بيوتنا ضاقت علينا
يعنى العيب في مين فينا
العيب في أيام راحت مننا
ولا العيب في نفوسنا
خايفين نصارح ونواجهة عيوبنا
في الحقيقة الدنيا زاي ما هى دنيا
وبيوتنا بريئة من إتهامنا
بيوتنا ما ضاقت يوم علينا
لكن اللي ضاق هو نفوسنا
بقينا مش مستحملين بعضنا
عرفتوا يا سادة راحت فين ليالينا
Post A Comment: