الشاعرة المصرية / زيزي الحداد تكتب قصيدة تحت عنوان "وحشني بتنا"
وحشني بتنا واخواتي
ووحشتني امي وحنانها
وابويا لم جمعنا
وبكل حب ينادينا
وحشتني الصحبه وامبارح
وحبيب لقلبي مش جارح
وناس جميله كانت صادقه
محبه لبعض مش انانيه
وحشتني بلكونة اودتي
وانا سهرانه مع جارتي
وبنحكي لبعد الفجريه
وحشني ناس كانت صافيه
وقلوب ومشاعر دافيه
زمان وانا بقلب اخصر
واحلام جميله ورديه
الدنيا كانت غير دالوقت
وكنت شايفه الحياه جنه
مهوا كانوا حبايبي حواليه
ولم كبرة شويه بقو يقلوا شويه
ماهي خاينه قوي الايام
اخدت حبايبنا مننا
وسابت لنا الالام
ونحلم كتير ونتمني
وتطلع بينا الدنيا للسماء
ونفرح وتعملنا حناحات
وفجأه تصحينا من حلمنا
نلاقينا ماسكين هوا
وليل مظلم طويل
ويفرح معانا مين
مااحنا افترقنا كلنا
و معظمنا مش عايشين
ويارتها ايام دامت
واللمه والاحباب
واحد ورا واحد
رحلوا وماحد باقي
Post A Comment: